Vilkår og personvern

1. Kven driv Gymmen

Gymmen er eit treningsrom i Øklandsvegen 32, 5580 Ølen, drive av Nils Kvamen, org.nr. 984 780 532 (tlf. 900 39 648, e-post post@gymmen.net). Nils er ansvarleg for både medlemskapen og handsaminga av personopplysningane dine.

2. Medlemskap og betaling

Medlemskapen gjeld frå betalingsdagen og i den perioden du har valt (1, 6 eller 12 månader). Betaling med kort skjer gjennom Stripe og fornyar seg automatisk ved slutten av perioden til du seier opp. Du kan òg betale med Vipps, anten med fast trekk som fornyar seg automatisk ved slutten av perioden til du seier opp, eller for éin periode om gongen utan fornying. Det er inga bindingstid og inga oppsigelsestid. Du kan seie opp når som helst frå Min side («Endre kort eller sei opp» for kort, «Stopp fast trekk» for Vipps) eller i Vipps-appen; då gjeld medlemskapen ut perioden du alt har betalt for, og det blir ikkje trekt meir. Innbetalte beløp blir ikkje refunderte, med unntak av feil frå vår side.

3. Tilgang og brikke

Du får ei nøkkelbrikke som opnar døra så lenge medlemskapen er gyldig (pluss nokre dagars frist). Brikka er personleg. Du skal ikkje sleppe inn andre eller låne bort brikka. Misbruk kan føre til at medlemskapen blir avslutta utan refusjon. Mista brikke skal meldast til Nils straks, så sperrar han henne.

4. Bruk av lokala

Du trenar på eige ansvar. Rydd på plass utstyr, tørk av apparata etter bruk, lås døra når du går, og meld frå om skadar. Born under 14 år må ha med ein vaksen.

5. Personopplysningar

Vi lagrar namn, e-post, telefonnummer, språk, når medlemskapen gjeld, og kva brikke som er kopla til deg. Grunnlaget er avtalen om medlemskap (personvernforordninga art. 6 nr. 1 b).

Døra: Adgangssystemet (Ubiquiti UniFi Access) loggar kvar gong brikka di blir brukt, med tidspunkt. Loggen blir sletta automatisk etter 90 dagar. Kameraet i lesaren ved døra tek opp korte videoklipp utan lyd når døra blir opna og når nokon ringjer på, og viser berre området rett framfor døra. Klippa blir sletta automatisk etter 7 dagar. Vi brukar ikkje ansiktsattkjenning. Logg og klipp blir brukte til å sjå at det berre er medlemer som kjem inn, og til å oppklare skadar eller tjuveri. Berre ved ei konkret hending som skal undersøkjast eller meldast, blir dei tekne vare på lenger. Grunnlaget er Gymmen si berettiga interesse i å sikre eit ubemanna senter (personvernforordninga art. 6 nr. 1 f). Berre Nils Kvamen og den som driftar adgangssystemet for Gymmen har tilgang, og opptak blir berre delte med politiet. Du kan be om å sjå opptak av deg sjølv.

PIN og «Opne døra»: Når du har betalt, får du ein PIN-kode til døra. Han blir lagra kryptert og blir sletta saman med kontoen din. Trykkjer du «Opne døra» på Min side, sender telefonen posisjonen sin éin gong for å sjekke at du står ved døra. Posisjonen blir ikkje lagra, berre at døra vart opna.

Betaling: Kortnummeret ditt går direkte til Stripe og blir aldri lagra hos oss. Stripe er ein sjølvstendig behandlingsansvarleg for betalinga, sjå stripe.com/privacy. Betaler du med Vipps, er Vipps MobilePay sjølvstendig behandlingsansvarleg for betalinga, sjå vippsmobilepay.com/nb-NO/personvern.

E-post: Innloggingslenker og påminningar blir sende via Resend (EU-server i Irland). Vi sender ikkje reklame.

Lagring: Opplysningane ligg hos Cloudflare (D1-database i EU). Vi deler dei ikkje med andre enn leverandørane over.

Dine rettar: Du kan sjå og endre opplysningane på Min side, og slette kontoen sjølv («Slett kontoen min»). Då blir namn, e-post, telefon, medlemskapshistorikk og brikkekopling sletta med ein gong; dørloggen blir anonymisert. Rekneskapsbilag hos Stripe må lagrast i 5 år etter bokføringslova. Du kan klage til Datatilsynet om du meiner vi handsamar opplysningane feil.

6. Endringar

Vi kan endre prisar og vilkår med éin månads varsel på e-post. Held du fram medlemskapen etter det, har du godteke endringane.